ОРОН НУТГИЙН ТӨСВИЙН ХӨРӨНГӨ ОРУУЛАЛТААР ШҮҮХИЙН ТАМГЫН ГАЗРЫН ТОНОГ ТӨХӨӨРӨМЖИЙГ ШИНЭЧИЛЛЭЭ

Орон нутгийн төсвийн 100 гаруй сая төгрөгийн хөрөнгө оруулалтаар аймгийн Шүүхийн тамгын газрын тоног төхөөрөмжийг шинэчиллээ.  Компьютер, ухаалаг дэлгэц, принтер, скайнер, хард, рам зэргийг өнөөдөр Засаг даргын орлогч М.Түмэнжаргал, ЗДТГ-ын Хуулийн хэлтсийн дарга Б.Мөнхбаяр нар хүлээлгэн өглөө. 

Сүүлийн долоон жил аймгийн Шүүхийн тамгын газарт дээд байгууллагаас болон улсын төсвөөс ямар нэгэн хөрөнгө оруулалт хийгдээгүй аж. Аймгийн ЗДТГ, ИТХ-ын байгууллага үүнд анхаарч, дэмжин тоног төхөөрөмжийг шинэчлэн хөрөнгө оруулалт хийж буйд тус газрын хамт олон талархал илэрхийллээ. 

Ирэх онд Орхон аймгийн Шүүхийн 50 жилийн ой тохионо. Ойгоо угтсан олон арга хэмжээг зохион байгуулахаар төлөвлөж буй талаараа хэлсэн. 

Мөн энэ үеэр Засаг даргын орлогч М.Түмэнжаргал “Удаан хугацааны турш  шийдэгдээгүй явж ирсэн аймгийн Шүүхийн ордон байгуулах газрын асуудал өчигдөрхөн шийдэгдэж, Засаг даргын захирамжаар баталгаажин Булаг багт газрын асуудал шийдэгдсэн”  таатай мэдээг дуулгалаа. 

Мэдээллийн төв